76 
Kryetari i Komunës së Pejës dhe anëtari i Kryesisë së LDK’së Gazmend Muhaxheri i cili sonte është i ftuar në emision Pressing në T7, ka deklaruar se “në katër sy” i ka thënë Abdixhikut që duhet me lëshu rrugë, duhet të largohet nga pozita e kryetarit.
“I kam thënë në katër sy, duhet me shku kryetar, duhet me shku edhe unë me ty… Edhe unë kam përgjegjësi që kam besu në ty dhe kam mendu që mundet me u bo kjo punë, qytetarët nuk po të besojnë e duhet me lëshu rrugë…”, tha Muhaxheri në Pressing.
Dega e LDK’së në Pejë që udhëhiqet nga Gazmend Muhaxheri, muajin e kaluar, ka kërkuar që Abdixhiku të japë dorëheqje si akt moral për rezultat për rezultatin e kësaj partie na zgjedhjet e 7 qershorit.
