37 
Në trevjetorin e rënies së rreshterit të Policisë së Kosovës, Afrim Bunjaku, i cili u vra në sulmin në Banjskë, EULEX-i ka përkujtuar sakrificën e tij në krye të detyrës.
Shefi i Misionit të EULEX-it, Antero Lopes, përmes një postimi ka thënë se ishte nder i veçantë për të që të nderonte kujtimin e Bunjakut dhe sakrificën e tij në mbrojtje të sundimit të ligjit.
“Ishte një nder i veçantë për mua ta nderoj kujtimin e tij dhe sakrificën e tij sublime në mbrojtje të sundimit të ligjit”, ka shkruar Lopes.
Ai ka theksuar se përgjegjësit për vrasjen e rreshterit Bunjaku duhet të përballen me drejtësinë.
“Përgjegjësit duhet të sillen para drejtësisë”, ka thënë Lopes.
