29 
Takimi mes kryeministrit Albin Kurti, dhe kryetarit të PDK-së, Bedri Hamza, është shtyrë për pak.
Takimi ishte paralajmëruar të mbahej pas orës 12:00, ndërsa pritet të zhvillohet më vonë gjatë ditës.
Kjo pasi që të dy ndodhen momentalisht në seancën e jashtëzakonshme të Kuvendit, e cila po mbahet.
Ndërkohë, temë e diskutimit mes dy liderëve pritet të jetë miratimi i projektligjit për Dhomat e Specializuara, si dhe çështja e zgjedhjes së presidentit.
Kuvendi tashmë ka miratuar në lexim të parë projektligjin për Dhomat e Specializuara dhe Zyrën e Prokurorit të Specializuar, ndërsa pritet të shihet nëse ai do të kalojë edhe në leximin e dytë.
