Lojtari më i ri i kombëtares së Kosovës, Enis Rexhepi po shkëlqen në UEFA Youth League.
Talenti kosovar është golashënuesi më i mirë i përbashkët i kësaj gare, së bashku me Will Wright të Liverpoolit, shkruan “Gazeta Express”.
Të dy futbollistët kanë realizuar nga gjashtë gola, dy më shumë se çdo lojtar tjetër në fazën e ligës së UEFA Youth League.
Paraqitjet e mira të Rexhepit vijnë në një moment të rëndësishëm për të, pasi ai është ftuar edhe nga kombëtarja e Kosovës për ndeshjet e muajit nëntor ndaj Izraelit dhe Irlandës.
Kështu, talenti kosovar po vazhdon të dëshmojë potencialin e tij, duke u renditur në mesin e golashënuesve më të mirë të një prej garave më të rëndësishme evropiane për futbollistët e rinj.
Rexhepi luan te Stuttgart 2 në Bundesliga 3, dhe ka luajtur tetë ndeshje, me një gol e një asistim.
Edhe Bleon Kurtulus dhe Lindrit Kamberi janë të ftuar për herë të parë në kombëtare.
