Pas qëndrimit në Bruksel, kryeministri Albin Kurti ka vizituar sot Komunën e Dragashit, e cila u prek dje nga vërshimet e ujit të shkaktuara nga reshjet e mëdha të shiut.
Kurti atje u zotua se do t’iu dalë në ndihmë banorëve për dëmet e shkaktuara
“Qeveria do të jetë pranë jush dhe pranë qytetarëve”, tha ai.
Kryeministri shkoi atje me ministrin e Administrimit të Pushtetit Lokal, Elbert Krasniqi dhe është takuar me kryetarin e Dragashit, Bexhet Xheladini
Siç njofton Zyra e Kryeministrit, ai i falënderoi institucionet lokale për angazhimin e tyre dhe ofroi ndihmën e tij dhe të institucioneve qendrore në tejkalimin e rimëkëmbjen nga dëmet e shkaktuara, për të cilat do të ketë vlerësim adekuat nga komisioni përkatës.
Kryetari Xheladini e njoftoi kryeministrin mbi situatën në teren dhe dëmtimet e evidentuara në infrastrukturë, për të cilat tha se ka nevojë për ndërhyrje urgjente dhe falënderoi atë për vizitën dhe ministrin Krasniqi për bashkëpunimin dhe komunikimin e rregullt.
Nga aty, bashkë, u nisën për të vizituar zonat e prekura nga vërshimet e djeshme të shkaktuara nga reshjet e shiut
