Disa donatorë të mëdhenj demokratë kanë njoftuar “Super PAC” pro-Biden, “Future Forward”, se do të ngrijnë rreth 90 milionë dollarë për sa kohë që Joe Biden të mbetet në garë për president. Kjo është raportuar nga New York Times.
Vendimi për të bllokuar një sasi të tillë donacionesh është deri tani pasoja më konkrete e performancës së dobët të presidentit në debatin kundër Donald Trump. Por Joe Biden aktualisht nuk është i interesuar të bëjë një hap prapa dhe ka bërë të ditur se ai është “i vendosur të kandidojë për Shtëpinë e Bardhë” (pavarësisht gafave të fundit).
Në takimin e së mërkurës mbrëma, kreu i demokratëve në Dhomën e Përfaqësuesve Hakeem Jeffries nuk i ofroi miratimin e tij Joe Biden. Burime të informuara e raportuan këtë për CNN.
Super donatorët janë të gatshëm të ngrijnë fondet për sa kohë të mbetet Biden. “Future Forward” është themeluar nga fushata e Biden si komiteti kryesor për mbledhjen e fondeve në fazat e hershme të garës deri në vitin 2024 dhe tashmë ka njoftuar se ka investuar deri në 250 milionë dollarë në televizion dhe reklama në internet që do të fillojnë të shfaqen në fund të Konventës Kombëtare Demokratike muajin e ardhshëm. Vendimi për të bllokuar një sasi të tillë donacionesh është, deri më tani, pasoja më konkrete e performancës së dobët të presidentit në debatin kundër Donald Trump
