Lidhja Demokratike e Kosovës (LDK), ka vazhduar me serinë e videoeve ku ka shpalosur punët që po bëhen në infrastrukturën e kryeqyetit, transmeton Gazeta Metro.
Në videon e publikuar nga kreu i kësaj partie, Lumir Abdixhiku, paraqitet Drejtori i Investimeve Kapitale në Prishtinë, Krenar Xhaferi, i cili ka treguar punimet që po bëhen në asfaltimin e një rruge, që është pjesë e Unazës së brendshme të kryeqytetit.
Sipas tij, me përfundimin e këtij projekti do të mundësohet qarkullimi i lehtësuar njëkahor i komunikacionit në këtë Unazë të brendshme të Kryeqytetit.
“Faza e parë e këtij projekti është 763 m dhe lidhë rrugët nga Rokuzina në drejtim të rrugës “Nora e Hotit”. Në këtë projekt janë të përfshira gjitha instalimet nëntokësore si dhe do të ketë shtegun e biciklistëve, trotuarin, gjelbrimin, ulëset, ndriqimin e shenjëzimin. Ky është një projekt i kompletuar në tërësi. Me përfundimin e këtij projekti do të mundësohet qarkullimi i lehtësuar njëkahor i komunikacionit në këtë Unazë të brendshme të Kryeqytetit”, ka thënë Xhaferi.
