111 
Avokati Arianit Koci i cili sot gjatë ditës ka qëndruar në Lloznicë, ku nga muaji i kaluar qëndron në morg trupi i Faton Hajrizit, ka shkruar në facebook se “misioni u krye me sukses”, pa dhënë më shumë detaje.
“Misioni u krye me sukses!
Nuk ishte i lehtë. Aspak!”, ka shkruar ai.
Nuk dihet ende nëse kufoma është duke u transportuar drejt Kosovës
Koci, që ka marrë përsipër procesin e kthimit të trupit të Faton Hajrizit në Kosovë, sot gjatë ditës ka thënë se personalisht e ka parë kufomën dhe ka konfirmuar që është trupi i Faton Harjizit.
“Po e konfirmoj, e pash trupin e pajetë. Mbetet tash edhe ekspertët tanë me e konfirmu”, ka thënë Koci
“Jam në procesin e përfundimit të procedurave për tërheqjen e kufomës”, ka thënë Koci gjatë ditës
