43 
Një burrë është arrestuar nga policia mbrëmë në fshatin Pastasellë të Rahovecit. Ai dyshohet se në gjendje të dehur e kishte rrahur gruan e tij, për motive xhelozie. Policia e Kosovës ka kryer të gjitha procedurat rreth rastit, ka intervistuar palët e përfshira në dhunë dhe ka ndjekur protokollin zyrtar.
Viktima pas pranimit të trajtimit mjekësor dhe intervistimit është kthyer në shtëpi, derisa burri është ndaluar për 48 orë me vendim të prokurorit. Lidhur me rastin hetimet kanë nisur nga organet kompetente. Rasti po trajtohet si “Dhunë në familje”. Brenda 24 orëve të fundit, në Kosovë janë raportuar shtatë raste të dhunës në familje.
