KEK njofton se njësia B-1 kthehet në operim pasi u bë remont

by Nexhat

Korporata Energjetike e Kosovës (KEK), ka njoftuar të dielën se njësia B-1 e Termocentralit Kosova B, është kthyer në operim normal.

Siç thuhet në njoftimin e KEK’ut gjendja e saj është stabile dhe njësia tashmë është sinkronizuar me rrjetin.

Sipas kësaj korporate, ishin zotuar që kjo njësi do të rikthehet në operim brenda afateve të parapara.

“Përfundon remonti i rregullt vjetor, njësia B-1 është kthyer në operim Sot, me datë: 18.08.2024, pas përfundimit të testimeve të rregullta para startimit,  njësia B-1 e Termocentralit Kosova B, është kthyer në operim normal, gjendja e saj është stabile dhe njësia tashmë është sinkronizuar me rrjetin. Pra falë angazhimit dhe vullnetit të gjithë stafit të TCB-së, rezulton që në këtë njësi kanë përfunduar me sukses të gjitha punimet të cilat ishin planifikuar në remontin e rregullt vjetorë”

“Për më shumë, në njësinë B1 të TC Kosova B, me dt: 15.07.2024, bazuar në bilancin  e aprovuar energjetik, kishin filluar punimet për realizimin e remontit të rregullt vjetor (35 ditore) dhe ditë më parë gjatë inspektimit të punimeve nga Kryeshefi Ekzekutiv, z. Bekir Gërguri, menaxhmenti i TC Kosova B, kishte njoftuar se të gjitha punët janë duke u realizuar sipas dinamikës dhe ishin zotuar që kjo njësi do të rikthehet në operim brenda afateve të parapara”, thuhet në njoftim.

banner

Të ngjajshme

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy