Ngrënia e frutave dhe perimeve është çelësi për ruajtjen e shëndetit të mirë, të cilat kaq pak përdoren në regjimin e përditshëm. Një studim i ri sugjeroi se nëse keni probleme me kolesterolin, këto lloj dietash do t’ju sigurojnë një jetë të shëndetshme.
Në studim, ekspertët shqyrtuan lipoproteinat me densitet të ulët (LDL) – të quajtura kolesterol i keq pasi grumbullimi i tyre shkakton rrezikun e goditjes në tru dhe sëmundjeve kardiovaskulare. Pjesëmarrësit që ndiqnin një dietë me bazë bimore panë se niveli i tyre i LDL-së u ul me 10% me kolesterolin total duke rënë në 7% krahasuar me ata që hanë mish dhe bimë. Autori kryesor Dr Ruth Frikke-Schmidt, profesoreshe e biokimisë klinike dhe kryemjeke në Rigshospitalet në Kopenhagë, Danimarkë tha: “Kjo korrespondon me një të tretën e efektit të marrjes së medikamenteve për uljen e kolesterolit si statinat, dhe do të rezultonte në një reduktim prej 7% të rrezikut të sëmundjeve kardiovaskulare tek dikush që mbajti një dietë me bazë bimore për pesë vjet”.
“Kjo analizë e madhe mbështet atë që ne tashmë e dimë: se përfshirja e më shumë ushqimeve me bazë bimore në dietën tuaj është e mirë për zemrën tuaj,” tha Tracy Parker, një dietologe e lartë në Fondacionin Britanik të Zemrës në Birmingham, e cila nuk ishte e përfshirë në studim. Megjithatë, studimi theksoi gjithashtu se ndikimi i dietës në kolesterol mund të jetë i kufizuar për njerëzit që “trashëgojnë tendencën që mëlçia e tyre të prodhojë shumë kolesterol, që do të thotë se kolesteroli i lartë ndikohet më shumë nga ADN-ja jonë sesa nga dieta jonë”, tha Robert Storey, profesor i kardiologjisë në Universitetin e Sheffield në MB.
