Disa të rinjë të cilët janë pjesë e organizatës YMCA Kosova, më qendër në Gjakovë po paralajmërojnë organizimin e një koncerti muzikor i cili ka për qëllim ngritjen e vetëdijës ndaj personave me nevoja të veçanta. Ata tregojnë se me këtë koncert synojnë të sjellin gëzim dhe lumturi posqaërisht për fëmijët me nevoja të veçanta.
Aktiviteti i tyre ka gjetur mbështetje nga organizata ndërkombëtare UNICEF, Handikos, komuna e Gjakovës dhe disa biznese lokale.
Sipas këtyre të rinjëve, ky aktivitet do të bëjë që fëmijët me nevoja të veçanta së paku për një ditë të ndjehen të barabartë me të tjerët, të shoqërohen me të tjerët që marrin pjesë në koncert dhe të ndajnë së bashku momente gëzimi.
Në koncert do të marrin pjesë këngëtarë, artistë dhe vallëtarë të ndryshëm nga Gjakova dhe nga vendet tjera të Kosovës.
Aktiviteti do zhvillohet me datë 13 Shtator në sheshin “Ali Podrimaj” afër Kryqit të Kuq, Gjakovë dhe hyrja është falas për të gjithë.
