Deklarata e kryeministrit shqiptar Edi Rama për krijimin e një shteti brenda Tiranës për Bektashinjtë po përqafohet nga Kryegjyshata Botërore Bektashiane.
Udhëheqësi i këtij urdhri, Edmond Brahimaj, i njohur si Baba Monti po e konsideron si një hap vendimtar drejt mbrojtjes së traditës shekullore të Urdhrit Bektashi të moderimit shpirtëror dhe përfshirjes fetare.
Nga Komuniteti Bektashian në Kosovë nuk po e thonë asnjë fjalë për këtë fenomen.
Nga teqja e bektashinjve në Gjakovë, të dielën nuk deshën ta komentojnë planin e kryeqeveritarit shqiptar. Nga ky kult fetar thanë për Klan Kosovën se pa pasur diçka më konkrete nuk do të flasin, pasi deri tani e gjitha është vetëm plan në letër.
E nga tarikati Halveti këtu në Rahovec, është pro realizimit të këtij vizioni, vetëm nëse ka benefite kombëtare.
Klan Kosova ka biseduar edhe me përfaqësues të tarikatit Rifailët, të cilët nuk pranuan të prononcoheshin para kamerës, por thanë se ishin kundër kësaj ide, pasi nuk mund të krijohet një shtet, brenda një tjetri
