‘The Guardian’ shkruan se sipas një studimi: Kur bëhet fjalë për shmangien e vëmendjes së padëshiruar të mashkullit, bretkosat femra ndërmarrin veprime drastike, duke u shtirur si të vdekura.
Studimet hedhin dritë të re mbi bretkosën e zakonshme evropiane, duke na treguar se femrat nuk e durojnë dot zënkën që një mashkull bën për të.
“Më parë mendohej se femrat nuk ishin në gjendje të zgjidhnin apo të mbroheshin kundër këtij detyrimi mashkullor”, tha Dr Carolin Dittrich, autorja e parë e studimit nga Muzeu i Historisë Natyrore të Berlinit.
Por studimi sugjeron se kjo mund të mos jetë kështu. “Femrat në këto grumbullime të dendura të mbarështimit nuk janë pasive siç mendohej më parë,” tha Dittrich.
Duke shkruar në revistën Royal Society Open Science, Dittrich dhe bashkëautori i saj, Dr Mark-Oliver Rödel, raportojnë se si e vendosën çdo bretkocë mashkull në një kuti me dy femra: një e madhe dhe një e vogël. Sjellja e çiftëzimit u regjistrua më pas në video.
Rezultatet, të marra nga 54 femra që përjetuan kthetrat e një mashkulli, zbuluan se 83% e femrave të kapura nga një mashkull u përpoqën të rrotullonin trupin e tyre. Thirrjet si rënkime dhe kërcitje u lëshuan nga 48% e femrave të kapura – të gjitha gjithashtu rrotulluan trupin e tyre.
Imobiliteti tonik – ngurtësimi me krahët dhe këmbët e shtrira në një pozë që të kujton lojën e vdekur – ndodhi në 33% të të gjitha femrave të kapura nga një mashkull. Femrat më të vogla, i përdornin të treja taktikat së bashku sesa ato më të mëdhatë.
Ekipi thotë se palëvizshmëria tonike mund të jetë një përgjigje stresi. Ata zbuluan se kjo ishte më e zakonshme tek femrat më të vogla dhe për rrjedhojë më të reja, gjë që mund të ishte rezultat i stresit më të madh që lindte me më pak përvojë riprodhimi. Tre taktikat, lejuan disa femra të shmangnin kthetrat e meshkujve.
Megjithatë, studiuesit pranojnë se sjelljet mund të kenë qëllime të tjera, duke sugjeruar se ndërsa rrotullimet e femrave mund t’i ndihmojnë ata të largojnë një mashkull, kjo mund të jetë një mënyrë për të testuar forcën dhe qëndrueshmërinë e mashkullit – tipare që mund të rrisin shanset e tyre të mbijetesës nëse mashkulli mund të shmangë rivalët dhe parandalojnë një “çiftëzim”.
Dittrich vuri në dukje se studimi dha një pasqyrë të re mbi sjelljen e femrave.
“Unë mendoj se edhe nëse e quajmë këtë specie një bretkocë të zakonshme dhe mendojmë se e njohim mirë, ka ende aspekte që nuk i dimë dhe ndoshta nuk i kemi menduar,” tha ajo.
