Pas rënies së vazhdueshme të borës dhe ndikimit të një vale të ftohti që ka ardhur nga Siberia, shumë qytete të Turqisë kanë regjistruar temperatura të ulëta ekstreme, duke arritur deri në minus 33.8 gradë.
Pjesa më e madhe e vendit është përballur me kushte të ashpra dimri, ndërsa autoritetet kanë bërë thirrje që qytetarët, veçanërisht ata të moshuarit dhe fëmijët, të qëndrojnë në shtëpi për të shmangur rreziqet nga temperaturat e ulëta.
Në qytetet malore si Gole dhe Erzurum, përballja me temperaturat dyshifrore nën zero ka shkaktuar ngrirjen e rrugëve dhe objekteve. Edhe Stambolli ka pasur probleme me borën, duke shkaktuar mbyllje të shkollave dhe ndalim të trafikut detar.
Autoritetet turke kanë siguruar që shërbimet e urgjencës të jenë në dispozicion 24 orë për të ndihmuar qytetarët. Sipas parashikimeve, moti do të përmirësohet nga e marta, me temperaturat që pritet të jenë mbi zero, dhe nga e enjtja ato mund të kalojnë mbi dhjetë gradë Celsius.
