Shëndetësia dhe arsimi janë fusha të cilat, sipas Marrëveshjes së Parë të Brukselit nga viti 2013, duhet të jenë në ligjet e Bashkësisë së Komunave Serbe.
Saktësisht, në atë marrëveshje thuhet se Bashkësia e Komunave Serbe do të ketë “mbikëqyrje të plotë” mbi to.
Në mjediset me shumicë serbe në Kosovë funksionojnë institucione, të cilat punojnë nën sistemin e Serbisë, përfshirë të gjitha institucionet shëndetësore dhe arsimore.
Kjo u vërtetua edhe nga vizita e ekipit të KIKS Kosovës në Komunën e Shtërpcës ku institucione të tilla shëndetësore u panë që funksionojnë sikurse të ishin në mes të Beogradit.
Presidenti i Serbisë, Aleksandar Vuçiq, kishte thënë në fillim të shtatorit të vitit të kaluar se në Kosovë funksionojnë ende institucionet më të rëndësishme, përkatësisht shëndetësia dhe arsimi.
