Kryeministri izraelit Benjamin Netanyahu ka thënë se popullsia e Gazës do të zhvendoset në jug, pasi kabineti i tij i sigurisë miratoi një operacion të zgjeruar ushtarak në enklavë, që një ministër e përshkroi si një plan për ta pushtuar territorin.
Kryeministri izraelit Benjamin Netanyahu tha se popullsia e Gazës do të zhvendoset në jug pasi kabineti i tij i sigurisë miratoi një operacion të zgjeruar ushtarak. Votimi i së dielës erdhi disa orë pasi ushtria tha se do të mobilizonte dhjetëra mijëra rezervistë, duke forcuar kapacitetin e saj për të vepruar në territorin e rrethuar palestinez. Do të ketë një lëvizje të popullsisë për t’i mbrojtur ata,” tha Netanyahu për “operacionin e intensifikuar”.
Plani do të zbatohej pas vizitës së Presidentit të SHBA Donald Trump në Lindjen e Mesme javën e ardhshme për të “siguruar një dritare mundësie” për një marrëveshje pengjesh, ka thene nje zyrtar .
Sekretari i Përgjithshëm i OKB-së, António Guterres paralajmëroi se zgjerimi i operacioneve tokësore izraelite dhe një prani e zgjatur ushtarake “do të çonte në mënyrë të pashmangshme në një numër të madh të civilëve të vrarë dhe në shkatërrimin e mëtejshëm të Gazës”.
Sekretari i Përgjithshëm i OKB-së, António Guterres paralajmëroi se zgjerimi i operacioneve tokësore izraelite dhe një prani e zgjatur ushtarake “do të çonte në mënyrë të pashmangshme në një numër të madh të civilëve të vrarë dhe në shkatërrimin e mëtejshëm të Gazës”.
Kryeministri i Mbretërisë së Bashkuar Sir Keir Starmer dhe presidenti francez Emmanuel Macron shprehën shqetësim të thellë për zhvillimet e fundit dhe ranë dakord se “kërkohej një proces I rinovuar paqeje”, tha Downing Street.
Në Uashington, Presidenti Trump tha se SHBA do të ndihmonte në furnizimin me ushqim për njerëzit në Gaza, pa hyrë në detaje.
Izraeli ndërpreu të gjitha dërgesat e ndihmave dhe furnizimeve të tjera më 2 mars dhe rifilloi ofensivën e tij dy javë më vonë pas rënies së një armëpushimi dy mujor, duke thënë se po i bënte presion Hamasit për të liruar pengjet. Ai gjithashtu akuzoi Hamasin për vjedhje dhe ruajtje të ndihmave – një akuzë që grupi e ka mohuar. Agjencitë e ndihmës kanë paralajmëruar se pa ndryshim në politikë, uria masive është e pashmangshme
