Presidenti i Italisë, Sergio Mattarella, ka bërë një deklaratë të fuqishme lidhur me situatën në Gaza, duke e quajtur gjendjen e popullit palestinez “çnjerëzore” dhe duke kërkuar urgjentisht një armëpushim të menjëhershëm.
“Është çnjerëzore të vdesësh urie një popullsi të tërë – nga fëmijët te të moshuarit,” u shpreh Mattarella duke shtuar se ushtria izraelite duhet të krijojë qasje për organizatat ndërkombëtare që ndihma humanitare të rifillojë pa pengesa.
Deklarata e presidentit italian vjen në një kohë kur gjithnjë më shumë vende evropiane po ndryshojnë tonin e tyre ndaj Izraelit dhe po ushtrojnë presion ndaj kryeministrit Benjamin Netanyahu për të lejuar dërgimin e ndihmave humanitare në Rripin e Gazës.
Ky pozicionim i Italisë përputhet me një qasje më humane dhe të përgjegjshme, duke shënuar një moment të rëndësishëm në qëndrimin diplomatik të vendit përballë një krize që ka tronditur ndërgjegjen ndërkombëtare.
