228 
Në mes të korrikut të këtij viti, ndërsa fushat e grurit në Kosovë prisnin dorën e korrësit, një zjarr i papritur i vuri flakën mundit shumëmujor të një fermeri.
Erolind Morina nga Rahoveci pa me sytë e tij sesi 15 hektarë të mbjella me grurë u shndërruan në hi më 16 korrik.
“Nuk është vetëm grurë. Është djersa, puna, investimi, shpresa…”, rrëfen ai, i zhgënjyer e i brengosur.
Sipas Morinës, rreth 950 mijë kilogramë grurë ishin në ato ara – sasi që nuk do ta shohë as në hambar, e as në treg.
Fermeri thotë se institucionet kanë heshtur. “Qeveria në detyrë dhe ministria e Bujqësisë sikur nuk e kanë vërejtur fare këtë që ka ndodhur,” thotë ai, duke kërkuar kompensim për dëmin që i është shkaktuar.
