Organizata e Veteranëve të Luftës së Ushtrisë Çlirimtare të Kosovës (OVL-UÇK), bashkë me Shoqatën e Invalidëve të Luftës dhe Shoqatën e Familjeve të Dëshmorëve, ka reaguar ashpër pas pranisë në Kosovë të Igor Popoviq, i cili është ndihmësdrejtor i të ashtuquajturës “Zyrës për Kosovë’’ në Serbi, të njohur për qëndrimet e tij ofenduese ndaj UÇK-së dhe luftës çlirimtare të Kosovës.
Në reagimin e tyre, veteranët e UÇK-së e kanë cilësuar këtë si “mentalitet të vartësve të Millosheviqit”, duke theksuar se presidenti aktual i Serbisë, Aleksandër Vuçiq, si ish-ministër i regjimit të atëhershëm, vazhdon të përfaqësojë të njëjtën qasje politike.
“Çdo tentativë për të provokuar, për të njollosur UÇK-në dhe për të përdorur territorin e Kosovës për propagandë antikombëtare është e papranueshme dhe duhet ndalur me vendosmëri,” thuhet në deklaratë.
Organizatat që përfaqësojnë kategoritë e dala nga lufta theksojnë se nuk do të qëndrojnë të heshtura përballë fyerjeve që cenojnë sakrificën për liri dhe gjakun e dëshmorëve dhe martirëve të Kosovës.
Gazeta Express ka raportuar thirrur në burime të saj se Igor Popoviq, është arrestuar nga Policia e Kosovës.
Arrestimi i tij erdhi pasi që i njëjti, gjatë një fjalimi të mbajtur sot në Rahovec, ka përdorur gjuhë të ashpër kundër UÇK-së.
‘‘Igor Popoviq, ndihmësdrejtor i të ashtuquajturës “Zyrës për Kosovë në qeverinë serbe”, ka mbajtur sot një fjalim në Rahovec, gjatë të cilit ka përdorur gjuhë të ashpër kundër Ushtrisë Çlirimtare të Kosovës (UÇK), duke e cilësuar atë si organizatë terroriste. Me deklarimet e tij, ai ka nxitur urrejtje dhe përçarje ndëretnike në Kosovë’’, kanë thënë për Express.
Pos kësaj, është deklaruar se pritet që Popoviq do të dëbohet nga Kosova
‘’Pas deklarimit të rastit nga ana e Institucioneve të sigurisë dhe inteligjencës, tani ai është arrestu nga PK dhe do të dëbohet nga Kosova dhe do t’i ndalohet hyrja ne Kosovë’’,
