Tre të akuzuarit për vrasjen brutale të 56-vjeçarit Anesti Rama në Frashër të Patosit janë paraqitur sot në Gjykatën e Shkallës së Parë të Rrethit Gjyqësor Fier, ku do të dalin për masën e sigurisë përballë trupit gjykues të përbërë nga gjyqtarja Klodiana Keyeziu dhe prokurorja Lorena Sallillari
Të dyshuarit, Emalinda Rama, 26 vjeçe, Valbona Rama, 53 vjeçe (nëna e saj), dhe Çlirim Dogani, 55 vjeç, banues në Arapaj, po përballen me akuza të rënda për bashkëpunim në vrasjen me qëllim të 56-vjeçarit Anesti Rama, një ngjarje që tronditi opinionin publik për brutalitetin dhe misterin që e shoqëroi
Sipas hetimeve paraprake, krimi është kryer në mënyrë jashtëzakonisht të dhunshme, përmes mbytjes me tel, goditjeve me sende të forta, si dhe dëmtimeve të rënda në zonat intime të viktimës, duke e bërë këtë një nga rastet më tronditëse të viteve të fundit në Fier.
Ngjarja është shoqëruar me dëshmi kontradiktore, çka ka ngritur shumë pikëpyetje mbi motivin dhe rolet individuale të secilit prej të dyshuarve. Autoritetet kanë intensifikuar hetimet për të zbardhur të plotë rrethanat dhe dinamikën e vrasjes.
