Superliga e Kosovës në futboll, rikthehet sot me ndeshjet e xhiros së tretë, sfida që premtojnë duele të zjarrta.
Prishtina, liderja e tabelës dhe skuadra që e ka nisur sezonin në mënyrë perfekte, udhëton në Gjilan për t’u përballur me skuadrën vendase, në një duel që pritet të dhurojë cilësi dhe rivalitet të lartë.
Në anën tjetër, Ferizaj – që aktualisht ndan kreun e tabelës me kryeqytetasit – do të kërkojë fitoren e radhës para tifozëve të vet, në një ndeshje tejet interesante ndaj Ballkanit.
Sfida të nxehta pritet edhe në takimet tjera të kësaj xhiro, ku Malisheva pret Dukagjinin, Drenica sfidon Prishtinën e Re, ndërsa Llapi do të ketë një përballje të fortë ndaj kampionit në fuqi, Dritës.
Sipas orarit të publikuar nga Federata e Futbollit të Kosovës, të gjitha ndeshjet e javës së tretë zhvillohen sot nga ora 16:30, përveç përballjes Llapi – Drita, e cila luhet të hënën në të njëjtën orë.
Superliga / Java e tretë
Sot takohen:
Ferizaj-Ballkani
Malisheva-Dukagjini
Gjilani-Prishtina
Drenica-Prishtina e Re
Të hënën takohen:
Llapi-Drita
Të gjitha ndeshjet fillojnë në orën 16:30
