Në emisionin Rubikon në Klan Kosova, panelistët kanë diskutuar listat e partive politike për zgjedhjet e 28 dhjetorit.
Gazetari Vehbi Kajtazi, tha se LDK-ja ka listë më të mirë për këto zgjedhje sesa për zgjedhjet e shkurtit të këtij viti.
“Kthimi i Ukë Rugovës në LDK dhe renditja në 10-shen e parë, mendoj se ka ndikim pozitiv te LDK-ja. Në radhë të parë që nuk besoj që mund të thirren Faton Peci e Donika Gërvalla në rugovizëm. Nëse shkojmë në këtë logjikë, është djali i Ibrahim Rugovës që është në LDK. Pra, nëse ka rugovizëm, ndonëse nuk e marr shumë vesh se si e identifikon LDK rugovizmin, por nëse ka rugovizëm, atëherë ai është në LDK”, deklaroi Kajtazi.
Ai nuk deshi të ndalet te emrat e rinj në listën e LDK-së, por shtoi se nëse do ta votonte LDK-në, “do ta kisha shumë të vështirë t’i votoja vetëm 10”
