Kandidati për deputet nga Lidhja Demokratike e Kosovës, gjenerali Gëzim Hazrolli, i ftuar në Pressing në T7, ka folur për kapacitet që ka FSK’ja, si dhe armatimet e marra kohëve të fundit.
Ai ka thënë se FSK ka atribute të jashtëzakonshme të përvojës, dhe se deri më tani është arrit shumë.
Sa i përket ekspozimit të kapaciteteve të FSK’së, Hazrolli ka deklaruar se ‘’mirë është që të mos tregojmë shumë çka kemi’’, pasi që, asnjë prej ushtrive të botës nuk i ekspozon realisht kapacitetet e saj.
‘’Mendoj që FSK ka atribute të jashtëzakonshme të përvojës. Kemi arrit shumë, duhet të reflektojmë mbi këtë që kemi arrit, por asnjëherë nuk është mjaft. Profesionalizimi dhe kapacitet e nevojshme në vend, po e shohim sot me kërcënimet sot që janë në botë, edhe shtetet si Gjermania kanë kërkesë për rritje të kapaciteteve. E para armatimet kanë fillu të prokurohen, ose me buxhetin e Kosovës kemi fillu qe nga vitit 2009. Unë kam qenë i angazhuar me detyrë me i bë testimet dhe të merrem me përzgjedhjen e armatimeve që na u kanë dashtë nga viti 2009. Tani jemi në fazën e plotësimit të këtij plani, planit gjithëpërfshirës të tranzicionit që e obligon qeverinë tonë që duhet t’i përmbahemi. Është një lehtësim, ose një lejim prej SHBA’ve ose partnerëve të tjerë që të avancojmë mbi bazën e mundësive buxhetore që i kemi. Këto kanë qenë të planifikuara. Në vitin 2018 kemi filluar me realizimin e këtij plani. Te aspekti i ekspozimit, është një kulturë ushtarake, dhe mirë është që mos të tregojmë shumë se çka kemi. Asnjë prej ushtrive të botës nuk merret me ekspozimin real të kapaciteteve që i kemi. Është mirë që prej shumë sistemeve që janë ble, përsëri janë në atë plan.
