Kryetari i AAK-së, Ramush Haradinaj, ka përkujtuar vëllezërit Jusuf e Bardhosh Gërvalla dhe veprimtarin Kadri Zeka, në 44-vjetorin e rënies së tyre, duke i cilësuar si veprimtarë të hershëm të lëvizjes kombëtare për liri dhe pavarësi.
Përmes një njoftimi, Haradinaj bëri të ditur se homazhet u mbajtën në Dubovik të Deçanit, në nderim të sakrificës dhe heroizmit të tyre. Ai theksoi se guximi dhe angazhimi i hershëm i Gërvallëve dhe Kadri Zekës në lëvizjet çlirimtare ishin burim frymëzimi për brezat e mëvonshëm.
Sipas Haradinajt, përpjekjet e pandërprera për liri u kurorëzuan me luftën e Ushtrisë Çlirimtare të Kosovës, duke e bërë sakrificën e tyre pjesë themelore të historisë së rezistencës kombëtare.
“Lavdi të rënëve për liri në të gjitha etapat e historisë sonë të lavdishme”, ka përfunduar Haradinaj.
