Ballkani ka shënuar fitore në udhëtim ndaj Gjilanit me rezultat 1-2, duke vazhduar kryesimin në Superligën e Kosovës. Ndërkohë, Malisheva ka nisur me fitore sezonin pranveror, duke mposhtur Prishtinën e Re me rezultat minimal 1-0.
Ndeshja në Gjilan ka nisur shumë mirë për mysafirët nga Suhareka, të cilët kanë kaluar në epërsi që në minutën e tretë. Pas një gabimi në mesfushë të vendasve, Giovanni Ribeiro ka asistuar te Almir Kryeziu, i cili ka realizuar për 0-1.
Në pjesën e dytë, Ballkani e ka dyfishuar epërsinë pas një aksioni, kur Kryeziu ka asistuar te Diene për 0-2. Gjilani ka reaguar tetë minuta më vonë me një gol nga distanca të Oltion Bilallit për 1-2, por rezultati nuk ka ndryshuar deri në fund.
Në ndeshjen tjetër, Malisheva ka fituar 1-0 ndaj Prishtinës së Re në stadiumin “Liman Gegaj”. Golin e vetëm e ka shënuar Etnik Brruti nga penalltia.
Ballkani mbetet lider me tridhjetë e gjashtë pikë, tri më shumë se Prishtina në vendin e dytë, ndërsa Gjilani renditet i gjashti me njëzet e gjashtë pikë. Malisheva mban vendin e katërt me tridhjetë pikë, ndërsa Prishtina e Re mbetet në fund të tabelës me pesëmbëdhjetë pikë
