Skuadra e Ferizajt ka arritur të kualifikohet në çerekfinale të Kupës së Kosovës, pas një fitoreje dramatike ndaj Drenicës me rezultat 4-3 pas penalltive, pasi koha e rregullt dhe loja shtesë u mbyllën baras 0-0.
Ndeshja, e zhvilluar në stadiumin ‘Liman Gegaj’ të Malishevës, ishte pjesë e 1/8-ve të Kupës së Kosovës. Pjesa e parë dhe e dytë u karakterizua nga lojë e barabartë dhe raste të pakta shënimi, duke e çuar takimin në vazhdime pa gola.
Edhe gjatë vazhdimeve, të dy ekipet mbetën të kujdesshëm, duke mos gjetur rrugën për te goli. Fituesi u vendos nga penalltitë, ku Ferizaj ishte më e saktë, duke triumfuar 4-3 dhe duke siguruar kalimin në fazën tjetër.
Ndryshe, Llapi kishte siguruar më herët çerekfinalen pasi eliminoi Dritën me rezultat 2-1 në Gjilan.
Ndërkaq nesër takohen:
Dukagjini – Prishtina e Re
Prishtina – Ballkani
Gjilani – Liria
Vushtrria – Vëllaznimi
Trepça ’89 – Malisheva
Ndërsa ndeshja Feronikeli-74’ – Dinamo do të luhet të mërkurën e ardhshme
