Superliga e Kosovës rikthehet sot me ndeshjet e xhiros së 20-të, ku në program janë tri përballje mjaft interesante që pritet të ndikojnë ndjeshëm në renditjen tabelare.
Vëmendja kryesore e javës është e përqendruar në kryeqytet, aty ku në stadiumin Fadil Vokrri do të zhvillohet derbi mes Prishtinës dhe Llapit, me fillim nga ora 18:00.
Kjo sfidë pritet me interesim të madh, pasi të dy skuadrat synojnë pikë të plota në garën për objektivat sezonale.
Para derbit, nga ora 13:00 luhen dy ndeshje të tjera me peshë të madhe.
Në Klinë, Dukagjini pret Gjilanin në një përballje ku të dyja ekipet kërkojnë maksimumin e pikëve për t’u pozicionuar sa më mirë në tabelë. Dueli pritet të jetë i fortë dhe me ritëm të lartë, duke pasur parasysh rëndësinë që kanë pikët në këtë fazë të kampionatit.
Po në të njëjtën orë, zhvillohet edhe një sfidë tejet vendimtare për mbijetesën, ku Prishtina e Re përballet me Ferizajn. Në këtë përballje, çdo pikë ka peshë të jashtëzakonshme, pasi diferencat në zonën e poshtme të tabelës janë të vogla dhe gara për mbijetesë po bëhet gjithnjë e më e ashpër
