Ministri i Infrastrukturës dhe Transportit, Dimal Basha, ka deklaruar se në ushtrimin e detyrës së tij do të tregojë kujdes maksimal në menaxhimin e parasë publike, duke thënë se fondet e shtetit duhet të trajtohen me përgjegjësi të lartë.
Në Debat Plus në TV Dukagjini, Basha tha se si ministër e sheh veten përgjegjës për çdo cent të buxhetit që përdoret në projektet infrastrukturore.
“Unë i kam paret e shtetit edhe kam mi këqyrë ato pare si të miat. Qysh ti kur e thirr një mjeshtër në shtëpi edhe sigurohet me ta ofru shërbimin më të mirë për çmimin më të lirë. Edhe kam me u siguru që secili operatorë ekonomik, ia ofrojmë mundësin për ti kryer punët në projektet që i kanë nis. Por nuk lejoj në asnjë moment me manipulu dhe me këqyr më ia hëngër ashtin këtij shteti’, ka thënë Basha.
