Presidenti turk Recep Tayyip Erdogan akuzoi Izraelin se ka vrarë mijëra njerëz, duke shtuar se shteti hebre do ta paguajë çmimin.
“Ky Izrael sionist ka vrarë qindra e mijëra njerëz”, tha lideri turk mbrëmë, gjatë një ceremonie për përfundimin e Ramazanit, pas lutjes në një xhami në Rize, në bregun e Detit të Zi.
“Nuk kam dyshim se do ta paguajë çmimin”, shtoi Erdogan, sipas agjencisë Anadolu, duke theksuar se “Lindja e Mesme është e ndezur në këtë moment”.
“Le ta shtypë dhe shkatërrojë Izraelin Ai, ‘Dominuesi’ (Al-Kahrar)”, shtoi presidenti turk, duke përdorur një nga emrat e Zotit në Islam: Kahrar, që përkthehet si “dominuesi” ose “ai që nënshtron”.
Lideri turk u shpreh në këto terma pas lutjes së së premtes në vendlindjen e familjes së tij, në bregun e Detit të Zi.
“Qoftë që Zoti të na mbrojë dhe të na shpëtojë sa më shpejt nga fatkeqësia e sionistëve”, shtoi Erdogan në fjalimin e tij, shkruan Ansa, përcjell Informim.net.
