KFOR ka njoftuar se, policia ushtarake Carabinieri, ka kryer patrullime në Mitrovicën Veriore. Në njoftimin e KFOR’it shtohet se policia këto patrullime i kryen rregullisht, me ‘’qëllim sigurimin e një mjedisi të qetë dhe të sigurt’’.
Në njoftim thuhet edhe se këto aktivitete, pasqyrojnë angazhimin e KFOR-it për të siguruar një mjedis të sigurt dhe të qetë dhe për të mbështetur lirinë e lëvizjes për të gjithë njerëzit që jetojnë në Kosovë, përcjell Gazeta Express.
Postimi:
Policia Ushtarake Carabinieri, e cila i është caktuar Njësisë së Specializuar Shumëkombëshe (MSU), pjesë e misionit të Forcës së Kosovës të udhëhequr nga NATO (KFOR), kryen rregullisht patrulla në Mitrovicë e Veriut/Severna Mitrovica me qëllim sigurimin e një mjedisi të sigurt dhe të qetë.
Këto aktivitete ndihmojnë në ruajtjen e vetëdijes situative dhe pasqyrojnë angazhimin e KFOR-it për të siguruar një mjedis të sigurt dhe të qetë dhe për të mbështetur lirinë e lëvizjes për të gjithë njerëzit që jetojnë në Kosovë, në mënyrë transparente dhe të paanshme.
KFOR vazhdon të zbatojë mandatin e saj – i bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt dhe të qetë për të gjithë njerëzit që jetojnë në Kosovë dhe për lirinë e lëvizjes, në çdo kohë dhe në mënyrë të paanshme. KFOR punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në rolet e tyre respektive si përgjigjës të sigurisë.
