24 
Lumir Abdixhiku, kryetar i Lidhjes Demokratike të Kosovës, ka njoftuar se së bashku me ish-presidenten e vendit, Vjosa Osmani, kanë qenë në fshatin Pobërgjë të Vokshit, Deçan.
Abdixhiku ka thënë se pritja e qytetarëve ndaj tyre ka qenë e ‘’jashtëzakonshme e me një entuziazëm të veçantë’’.
Postimi:
Sonte, në fshatin Pobërgjë të Vokshit, Deçan, në një pritje të jashtëzakonshme e me një entuziazëm të veçantë.
Mbështetja për LDK-në po ndihet fort. Ka energji, ka besim, ka një frymë të re bashkimi që po rritet çdo ditë. Kur qytetarët nisin të besojnë sërish, kur shpresa kthehet në bisedë të përditshme, e kupton se diçka e madhe po lëviz.
Ju faleminderit për pritjen kaq të ngrohtë. Pobërgja sonte na dha shumë zemër!
