Prej disa kohësh, në mediat rozë dhe rrjetet sociale qarkullonin fjalë se marrëdhënia mes reperit Lumi B dhe bashkëshortes së tij, Miranda, kishte një krisje.
Dyshja kishte zgjedhur të mbante një profil të ulët publik, duke mos u shfaqur shumë bashkë dhe duke i lënë hapësirë aludimeve të ndryshme nga ndjekësit. Megjithatë, duket se e gjithë kjo paska qenë thjesht një zhurmë e radhës, pasi një postim i fundit ka sqaruar gjendjen pa pasur nevojë për asnjë deklaratë.
Së fundmi, një fotografi e re e publikuar në rrjetet sociale i tregon ata të dy në një moment shumë të afërt dhe të qeshur me njëri-tjetrin. Ky imazh vjen si një përgjigje e natyrshme dhe e qartë ndaj zërave që qarkullonin, duke treguar se raporti i tyre vazhdon të jetë i qëndrueshëm dhe gjithçka është në rregull.
Me sa duket, Lumi dhe Miranda thjesht kanë zgjedhur të shijojnë përditshmërinë e tyre në qetësi, duke qëndruar larg reagimeve të vazhdueshme publike. /Prive By Liberta Spahiu
