23 
Kandidati për kryeministër nga Aleanca, Ardian Gjini, ka ftuar qytetarët që t’i bashkohen tubimit përmbyllës të fushatës zgjedhore, i cili do të mbahet nesër nga ora 20:00 në Sheshin “Xhorxh Bush” në Prishtinë.
Përmes profilit të tij në Facebook, Gjini ka bërë thirrje për pjesëmarrje masive, duke theksuar rëndësinë e përmbylljes së kësaj fushate së bashku me qytetarët.
“Të dashur qytetarë, nesër nga ora 20:00 në Sheshin ‘Xhorxh Bush’, në Prishtinë do të mbajmë tubimin përmbyllës. Ju presim të gjithëve të përmbyllim bashkë këtë fushatë, për Aleancën, për numrin 128, për më shumë siguri, energji e zhvillim”, ka shkruar Gjini.
