Nënkryetari i Lidhjes Demokratike të Kosovës Lutfi Haziri, ka deklaruar se Kuvendi i partisë është përmbyllur në një atmosferë kolegiale dhe pune.
Ai pas punimeve të Kuvendit të partisë ka theksuar se tashmë është mbyllur një kapitull i rëndësishëm për LDK-në.
“Është mbyllur sot një Kuvend në një atmosferë kolegiale dhe të punës, ashtu siç di LDK-ja, paqësore, të durueshme dhe miqësore me njëri-tjetrin. Ky kapitull tashmë ka përfunduar”, u shpreh Haziri, transmeton Klankosova.tv.
Ndërkaq, i pyetur rreth bashkëqeverisjes së mundshme me Lëvizjen Vetëvendosje , Haziri ka thënë se bëhet fjalë për bashkëpunim në tri parime.
“Marrëveshje për të gjitha ose asgjë; kriter i dytë agjenda shtetërore, politikat sektoriale, programet qeverisëse dhe e treta ndarja e përgjegjësive konform të dy të parave”, deklaroi ai.
