Deputeti i Aleancës, Ramush Haradinaj, ka përkujtuar 77-vjetorin e rënies heroike të patriotit shqiptar, Ndue Përlleshit.
Haradinaj ka thënë se Përlleshi ishte një nga luftëtarët më të shquar të çështjes kombëtare shqiptare, i cili qëndroi i palëkundur deri në frymën e fundit për çlirimin e trojeve shqiptare. /Gazeta Express
Postimi i plotë:
Në 77-vjetorin e rënies heroike të patriotit të madh, Ndue Përlleshit, kujtojmë dhe nderojmë një nga luftëtarët më të shquar të çështjes kombëtare shqiptare, i cili qëndroi i palëkundur deri në frymën e fundit për çlirimin e trojeve shqiptare.
Ndue Përlleshi ishte prej atyre burrave që nuk e pranuan kurrë nënshtrimin. Ai zgjodhi rrugën e vështirë të qëndresës, duke e vendosur fatin e atdheut mbi jetën e tij. Shembulli i tij i frymëzoi shumë patriotë shqiptarë që vazhduan rrugën e qëndresës dhe sakrificës për lirinë e trojeve shqiptare.
Lavdi e përjetshme Ndue Përlleshit!
Nderim për të gjithë ata që dhanë jetën për Shqipërinë dhe trojet shqiptare!
