De Bruyne mund të largohet nga Napoli për t’u rikthyer në Belgjikë
E ardhmja e mesfushorit belg në Itali është vënë në pikëpyetje, pasi bashkëshortja e tij, Michele, ka zbuluar se familja po mendon gjithnjë e më shumë për rikthimin në vendlindje.
Sipas raportimeve të “NINA”, familja De Bruyne po has vështirësi në përshtatjen me jetën në Napoli. Fama e madhe e futbollistit ua vështirëson edhe aktivitetet e zakonshme të përditshme, duke bërë që jeta jashtë futbollit të mos jetë aq e lehtë.
Michele ka treguar se gjithnjë e më shpesh diskutojnë mundësinë e vendosjes në Limburg të Belgjikës, ku do të mund të ishin më pranë familjes dhe të kishin një jetë më të qetë.
Duket se për De Bruynen, në këtë fazë të karrierës, jeta familjare po merr gjithnjë e më shumë rëndësi sesa futbolli.
