Erërat e fuqishme shkaktojnë dëme në Prizren dhe Krushë të Madhe

by Nexhat

Erërat e fuqishme që po përfshijnë Kosovën gjatë mbrëmjes së 19 nëntorit po shkaktojnë dëme në disa zona të vendit.

Dëme janë raportuar në Krushë të Madhe të Rahovecit, ku erërat e forta kanë goditur serrat bujqësore, duke shkaktuar dëme në to.

banner

Probleme nga erërat janë raportuar edhe në Prizren. Në Shadërvan, fuqia e erës ka rrëzuar dhe dëmtuar tavolinat e karriget e vendosura jashtë lokaleve të gastronomisë.

VIDEO

Instituti Hidrometeorologjik i Kosovës kishte paralajmëruar se gjatë ditës së sotme do të fryjnë erëra të fuqishme nga drejtimi jugor dhe jugperëndimor, me shpejtësi prej 30 deri në 45 kilometra në orë, ndërsa gjatë rafaleve shpejtësia mund të jetë edhe më e lartë.

Sipas IHK-së, intensiteti më i madh i erës pritet nga mesdita deri në orët e mbrëmjes.

Instituti ka parashikuar gjithashtu mot kryesisht të vranët, me reshje të lehta shiu dhe intervale me ndërprerje.

Për shkak të erërave të fuqishme, IHK ka apeluar për kujdes.

banner

Të ngjajshme

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy