Studentët paralajmërojnë protestë para Rektoratit, kërkojnë shkarkimin e rektorit

by Nexhat

Parlamenti Studentor i Universitetit të Prishtinës, së bashku me Këshillat Studentorë të fakulteteve, do të protestojnë të hënën para objektit të Rektoratit, duke filluar nga ora 11:30.

Protesta vjen si reagim ndaj deklaratave të rektorit Arben Hajrullahu, të cilat kanë nxitur pakënaqësi te përfaqësuesit e studentëve.

banner

Vendimi për të protestuar është konfirmuar edhe pas takimit me Këshillin Drejtues të Universitetit të Prishtinës. Sipas studentëve, gjatë këtij takimi, anëtarët e Këshillit Drejtues janë distancuar nga gjuha e përdorur nga rektori.

Megjithatë, studentët kanë kërkuar që institucionet e universitetit të ndërmarrin hapa konkretë dhe të mos e lënë çështjen vetëm në nivel diskutimesh. Kërkesa e tyre kryesore mbetet largimi i Arben Hajrullahut nga pozita e rektorit.

Ata kanë bërë të ditur se deri më tani nuk kanë marrë asnjë kërkimfalje dhe nuk kanë parë tërheqje nga deklaratat e rektorit, prandaj kanë vendosur ta vazhdojnë kundërshtimin përmes protestës së paralajmëruar.

banner

Të ngjajshme

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy