Rama uron Ditën e Alfabetit: Shkronjat shqipe, simbol i kujtesës dhe identitetit kombëtar

by Nexhat

Kryeministri i Shqipërisë, Edi Rama ka zgjedhur një mesazh simbolik për të uruar Ditën e Alfabetit të Gjuhës Shqipe, që festohet sot, më 22 nëntor.

Përmes një postimi në rrjetet sociale, Rama ka vlerësuar rolin e gjuhës shqipe dhe të alfabetit në ruajtjen e historisë kombëtare, duke i cilësuar shkronjat si një urë që lidh të kaluarën me të ardhmen.

banner

“Mirëmëngjes dhe në ditën e më të bukurave gërma, nën hijeshinë e së cilave jeton kujtesa e kombit tonë dhe frymon e ardhmja, ju uroj një të diel të qetë”, shkruan kreu i qeverisë.

22 Nëntori shënon një nga datat më të rëndësishme të historisë dhe kulturës shqiptare, pasi përkujton përfundimin e Kongresit të Manastirit në vitin 1908, ku u hodhën bazat për njësimin e alfabetit të gjuhës shqipe.

Në këtë kongres, të zhvilluar nga 14 deri më 22 nëntor, përfaqësues nga trevat shqiptare diskutuan dhe vendosën për një alfabet të përbashkët, duke i dhënë një drejtim të ri zhvillimit të gjuhës, arsimit dhe kulturës kombëtare.

Mbi një shekull më vonë, kjo datë vijon të mbetet simbol i bashkimit përmes gjuhës dhe i përpjekjeve të brezave për të ruajtur identitetin shqiptar.

Në Shqipëri, 22 Nëntori është shpallur festë zyrtare në vitin 2023 dhe përkujtohet nga shqiptarët edhe në Kosovë, Maqedoninë e Veriut dhe diasporë

banner

Të ngjajshme

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy