Të mërkurën në Kuvendin e Kosovës, ka vazhduar përmes disa replikave polemika mes dy deputetëve të PDK-së, Ferat Shala e Bekim Haxhiu dhe Armend Mujës të VV-së.
Ata kanë polemizuar me njëri-tjetrin rreth një pice që kinse i ishte dërguar në ndalim policor Armend Mujës para disa vitesh.
Muja ka thënë se kurrë më parë në jetën e tij, “përveç se në kuvend”, nuk i ka takuar dy deputetët e PDK-së.
Por, Haxhiu ka thënë se i di me emra dhe mbiemra kush ia kishte dërguar picën Mujës në ndalim policor.
“As ma shumë, as ma pak, ashtu si ka qenë e kam thanë. Ti mundesh me i përdor edhe emrat e kushërinjve, babagjyshërve e të tjerë. Ti ke qenë i akuzuar. As nuk të ofendova as nuk të akuzova. Nëse don edhe me emra të kallxoj kush ta ka pru picën”, ka thënë Haxhiu.
