Atdhetari kosovar në Shtetet e Bashkuara të Amerikës, Harry Bajraktari, i ka bërë thirrje kryeministrit të Shqipërisë, Edi Rama, “që të ndalojë çfarëdo që është duke konsumuar”.
Ai ka shkruar në Twitter se Kosova është shtet i pavarur dhe ka institucione, derisa ka shtuar se askush nuk flet në emrin e Kosovës përpos përfaqësuesve të zgjedhur.
“Edi Rama duhet të ndalojë çfarëdo që është duke konsumuar. Kosova ka zgjedhur parlamentin, një qeveri, një kryeministër dhe një president. Është shtet i pavarur. Askush nuk flet për Kosovën, pos përfaqësuesit e saj të zgjedhur”, ka shkruar ai.
Bajraktari, që ka qenë i angazhuar në sensibilizimin e opinionit amerikan për problemin e Kosovës në vitet e 90-ta, i ka reaguar deklarimit të Ramës që së fundmi është shprehur se “veriu i Kosovës është bërë tokë e askujt”.
