Çdo vit më 10 tetor ne festojmë Ditën Botërore të Shëndetit Mendor, e themeluar në vitin 1992 nga Federata Botërore për Shëndetin Mendor dhe Organizata Botërore e Shëndetësisë. Ekspertëve theksojne se faktorë të ndryshëm mund të ndikojnë pozitivisht në mirëqenien psikologjike siç janë: gjumi, aftësia për të gjetur momente për veten, aktiviteti fizik dhe lidhjet e thella dhe të forta sociale.
5 këshillat e eksperteve për ta përmirësuar shendetin mendor:
Gjumi i mirë
Cilësia e gjumit është thelbësore për mirëqenien fizike por edhe mendore. Është e rëndësishme, sa më shumë që të jetë e mundur, të keni orë të rregullta dhe të shmangni përdorimin e telefonave inteligjentë, PC-ve dhe tabletëve menjëherë para se të shkoni në shtrat. Për më tepër, ekspertët rekomandojnë të shkoni në shtrat vetëm kur ndiheni të përgjumur, dhe jo për të kryer aktivitete të tjera si leximi ose shikimi i një filmi.
Ndani momente për veten tuaj dhe per menaxhimin e stresit
Shëndeti mendor vjen edhe nga momentet kushtuar vetes, jashtë angazhimeve dhe organizimit të përditshëm. Ne kemi nevojë për momente pushimi, kushtuar aktiviteteve që na pëlqejnë ose relaks total, dhe dritare kohore në të cilat të kalojmë kohë me mendimet tona ose falë meditimit aktual apo edhe thjesht një shëtitjeje. Është gjithashtu e rëndësishme të dini se si të dalloni stresin, veçanërisht nëse ai zgjat për periudha të gjata, dhe të mësoni të krijoni momente rikuperimi, madje edhe ato të shkurtra por të shpeshta.
Mbani mendjen tuaj të trajnuar
Për të funksionuar mirë, mendja duhet të ushtrohet. Është e dobishme ta stimulojmë atë me argëtime të tilla si fjalëkryqet ose “sfida” të tjera që e shtyjnë trurin të mendojë, por edhe duke marrë pjesë në aktivitete që na lejojnë të zbulojmë dhe të mësojmë gjëra të reja si teatri, kurse gjuhësore ose seminare për aktivitete që na interesojnë.
Aktiviteti fizik i rregullt
Shëndeti i mirë mendor varet edhe nga aktiviteti fizik, për të luftuar qendrimin ulura që po përhapet gjithnjë e më shumë edhe për shkak të llojeve të punëve që janë shfaqur vitet e fundit. Për të ulur ankthin dhe për të përmirësuar gjendjen shpirtërore, mjafton një shëtitje 20-30 minuta me ritëm të shpejtë, 4 ose 5 herë në javë.
Lidhjet sociale
Për sa i përket aspektit social të jetës, cilësia ka më shumë rëndësi se sasia. Mirëqenia mendore mbështetet nga lidhje të thella shoqërore, njerëz – madje disa – të cilëve mund t’u besojmë, të cilët janë të sigurt në kohë nevoje dhe me të cilën mund të jesh gjithmonë vetvetja.
