Ambasadori i Kosovës në Belgjikë, Agron Bajrami, ka thënë sot se derisa Kosova po angazhohej për dialogun e Brukselit, Serbia me agjentët e saj terroristë po përgatiteshin për aneksimin e veriut,
Ky reagim i Bajramit erdhi pasi policia sot gjeti një depo me armë gjatë një bastisje në veri.
“Në kuadër të hetimeve të sulmit terrorist të 24.09.2023, Policia e Kosovës zbuloi një tjetër depo të armëve të rënda. Dëshmi shtesë se derisa Kosova angazhohej në dialogun e Brukselit, Serbia dhe agjentët e saj terroristë në terren po përgatiteshin për aneksimin e pjesës veriore të vendit tonë”, ka shkruar ai.
Part of investigation of 24.09.2023 terrorist attack, #Kosova Police uncovered another heavy arms cache. Additional proof that while Kosova engaged in Brussels dialogue, Serbia & its terror agents on the ground were preparing for annexation of northern part of our country. pic.twitter.com/u1XkncYVPY
— Agron Bajrami (@AgronBajrami) October 14, 2023
Më 24 shtator një grup terroristësh serbë ka kryer një sulm mbi Policinë e Kosovës në fshatin Banjskë të Zveçanit.
Aty u vra rreshteri i policisë Afrim Bunjaku dhe u plagos një tjetër.
