Jemi në atë periudhë të vitit kur tezgat e fruta perimeve mbushen me ngjyre portokalli, falë ngjyrës së hurmës, frutave tipike të vjeshtës. Hurmat karakterizojnë stinën e vjeshtës me ngjyrën e tyre tipike portokalli dhe tulin e tyre shumë të ëmbël dhe të butë, pothuajse si kremi.
Pema frutore është vendase në Azinë Lindore. Është një bimë shumë rezistente, e cila nuk kërkon trajtime me pesticide, për këtë arsye konsiderohet “natyrale organike”.
Për çfarë janë të mira hurmat?
Por le të shohim në detaje se cilat janë cilësitë terapeutike të hurmave:
Hurmat, kakite apo mollat japane, janë fruta të çmuara, te pasura me vitaminë A, si dhe vitaminë C, sheqer, tanine dhe kripëra minerale. Pulpa e saj, në të cilën gjenden sheqernat e thjeshta, kaliumi dhe fosfori, është në përbërje xhelatinoze dhe konsiderohet një tonifikues për sistemin nervor dhe mëlçinë.
Është frut i dobishëm edhe për tretje falë sasisë së madhe të fibrave dietike dhe si antibakterial.
Kur janë të verdha dhe shumë të forta, do të thotë se janë të papjekura, ndaj është më mirë të prisni para se t’i konsumoni, duke pritur që të piqen që mund të ndodhë brenda pak ditësh.
Mënyra më e mirë për pjekjen e hurmave është vendosja e tyre në një kuti druri ose kuti kartoni, jashtë frigoriferit, të ndarë mirë dhe në një vend të ngrohtë dhe të thatë, mundësisht në errësirë dhe bashke me molla.
Forcojnë sistemin imunitar. Siç është përmendur tashmë, hurmat përmbajnë vitaminë C të aftë për të forcuar sistemin tonë imunitar, një ushqim që duhet sjellë shpesh në tryezë sidomos gjatë ndryshimit të stinës për të na mbrojtur nga sëmundjet tipike të stinës së vjeshtës.
Parandalojnë sëmundjet kardiovaskulare. Dhe jo vetëm kaq: hurmat nxisin edhe përthithjen e hekurit.
Një laksativ i shkëlqyer. Duke vepruar drejtpërdrejt në mëlçi dhe zorrë, hurmat janë një laksativ natyral falë taninave dhe fibrave të pranishme në pulpën e tyre. Me një rekomandim për të përfituar nga ky funksion: duhet të hahet i pjekur.
Janë shumë diuretike. Për këtë funksion, megjithatë, frutat duhet të hahen për mëngjes dhe të papjekura. Në këto kushte bëhet një diuretik i shkëlqyer falë përmbajtjes së kaliumit.
Energjike. Hurma konsiderohet si një frut ideal për fëmijët, atletët dhe asthenistët pasi ka aftësi të shkëlqyera energjike, falë sheqernave që përmban.
Hurma përdoret edhe në kuzhinë
Periudha ideale për të shijuar këto fruta është mes tetorit dhe dhjetorit kur temperatura është më e ulët. Moment në të cilin trupi ynë kërkon gjithashtu një konsum më të madh të vitaminave dhe sheqernave.
Në përgjithësi ato hahen të freskëta, duke hequr tulin me një lugë çaji. Falë kremit dhe ëmbëlsisë së tyre, ato janë ideale për përgatitjen e mousses, reçelrave dhe ëmbëlsirave, duke përfshirë donuts, suflés, ëmbëlsira dhe tarte.
