Genc Gjokutaj, avokati i Sali Berishës, ka ankimuar këtë të hënë masën e caktuar nga Gjykata e Posaçme (GJKKO) “detyrim paraqitje” dhe bllokim të pasaportës për ish-kryeministrin.
Berisha akuzohet për korrupsion për çështjen e privatizimit të ish-kompleksit Partizani.
Berisha vetë e ka quajtur këtë hetim ndaj tij si një sulm politik e deri më tani ka refuzuar të paraqitet në seancat gjyqësore në GJKKO.
Ai madje nuk ka pranuar as të përfaqësohet në gjyq, ndërkohë që i kanë caktuar avokat nga shteti. Kujtojmë se dhëndri i Berishës, Jamarbër Malltezi ndodhet në burg për këtë çështje.
