Spanja ishte bindëse në Grupin A të kualifikimeve të Kampionatit Evropian, ku përveç një humbjeje kundër Skocisë, skuadra e Jose Luis De La Fuente duket se do të shkojë në turneun në Gjermani nga vendi i parë.
Në pjesën e parë të ndeshjes kundër Qipros, rezultati ishte 3-0 për spanjollët, dhe secili anëtar i treshes sulmuese Lamine Yamal, Mikel Oyarzabal dhe Joselu shënuan nga një gol.
Veçanërisht tërheqës ishte goli i anësorit 16-vjeçar të Barcelonës, Yamal, i cili shënoi golin e dytë për kombëtaren në paraqitjen e tij të katërt.
Vetë Yamal mori topin e dedikuar për Joselu në shtyllën e dytë, por ai nuk gjuajti menjëherë, por mashtroi portierin dhe mbrojtësin e ekipit kundërshtar me një driblim brilant për të shënuar.
https://twitter.com/BarcaTimes/status/1725200678388167010?ref_src=twsrc%5Etfw%7Ctwcamp%5Etweetembed%7Ctwterm%5E1725200678388167010%7Ctwgr%5Eea14e9331258ed133b52635dd542fbbb17b4a5d7%7Ctwcon%5Es1_&ref_url=https%3A%2F%2Ftelegrafi.com%2Fspanja-fiton-per-poziten-e-pare-yamal-vazhdoi-gola-kesaj-radhe-ishte-brilant%2F
Kujtojmë se Yamal u bë golashënuesi më i ri në historinë e kombëtares spanjolle me një gol kundër Gjeorgjisë në shtator.
Spanja është e para me 18 pikë, e dyta Skocia me 16, e treta me 10 pikë është Norvegjia, Gjeorgjia e katërta me 8 pikë, ndërsa e fundit është Qipro pa pikë
