Bayern Munich raportohet se po monitoron nga afër situatën e Dani Olmos te Barcelona dhe, sipas raportimeve të fundit, gjiganti gjerman po përgatit një ofertë të madhe për mesfushorin spanjoll në afatin kalimtar të janarit.
28-vjeçari ka pasur më pak hapësira në formacionin e Barcelonës këtë sezon. Ai ka startuar vetëm në dy nga shtatë ndeshjet e zhvilluara në La Liga, megjithëse ka arritur të kontribuojë me tri asistime në minutat që ka marrë.
Sipas “Sky Sports News”, Bayern Munich po e përcjell me interesim situatën e Olmos, veçanërisht në një kohë kur klubi bavarez mund të përballet me interesim të madh nga klubet e tjera për Jamal Musialan dhe Michael Olisen.
Raportohet se Bayerni synon ta testojë qëndrimin e Barcelonës me një ofertë prej 80 milionë eurosh gjatë afatit kalimtar të janarit.
Megjithatë, mbetet për t’u parë nëse Barcelona do të ishte e gatshme të negociojë për largimin e Olmos, i cili vazhdon të jetë pjesë e planeve të skuadrës së Hansi Flickut.
Ndërkohë, Fermin Lopez ka konsoliduar pozitën e tij në rolin e numrit 10 gjatë dy sezoneve të fundit, duke e bërë konkurrencën për këtë pozitë edhe më të fortë.
Olmo, nga ana tjetër, synon të fitojë sërish një rol më të rëndësishëm në ekip dhe të bindë Flickun për ta rikthyer në formacionin bazë
