Adrien Rabiot këmbëngul se barazimi 1-1 në shtëpi me Interin ‘është një rezultat i mirë’ dhe e ka pranuar se lojtarët e Juventusit flasin dhe e shohin vetën si sfidues për Scudetto.
Bardhezinjtë kishin kaluar në epërsi në Derby d’Italia këtë mbrëmje përmes Dusan Vlahovic në një asistim të Federico Chiesa, por Lautaro Martinez më pas barazoi shifrat.
“Mendoj se është një rezultat i mirë. Ne donim të fitonim, padyshim, por ata janë një ekip shumë i vështirë për të luajtur kundër tyre. Ne nuk jemi as në gjysmë të sezonit, kështu që kemi kohë për të marrë më shumë pikë”, deklaroi fillimisht Rabiot.
Max Allegri dhe drejtori Cristiano Giuntoli vazhdojnë të këmbëngulin se objektivi i Juventusit është të përfundojë në top katërshe, por Rabiot nuk mendon kështu
“Objektivi për të cilin flasim në dhomat e zhveshjes është padyshim që të fitojmë Scudetton. Ne jemi kampionë, duhet të jemi të vetëdijshëm për këtë dhe besoj se mund ta bëjmë”, deklaroi Rabiot.
Hendeku në krye të tabelës mbetet vetëm dy pikë midis liderit Inter dhe Juventusit të vendit të dytë
