Opinionisti Rrahman Paçarizi, në Rubikon të Klan Kosova, ka thënë se është për çudi që populli thotë se ish-kryeministri Avdullah Hoti është për Skandinavi, e jo për Kosovë.
Kjo, sipas tij, tregon se “çfarë llumi jemi”.
“Ajo që për mua është fatkeqësi është që Kosova nuk ka mbërri me ndërtu një shoqëri, sepse një shoqëri e cila përgjithësisht kur përmendet ish-kryeministri Avdullah Hoti, thuhet: ‘shumë i mirë ka qenë, por shumë i butë, ndoshta për Skandinavi’. Dhe Kosova me arrit me e bullizu vetveten deri në këtë masë, duke thënë se Avdullah Hoti nuk është i mirë për Kosovë por për Skandinavi, po kallxon se çfarë llumi je, po kallxon si shoqëri se nuk meriton më shumë sesa dikë që të shtypë e të ndrydhë. Dhe popujt në periudha të caktuara duan njerëz të tillë, prandaj iu ndërtojnë përmendore, prandaj edhe iu këndojnë këngë. Ne dimë njerëz goxha problematikë në Kosovë me aktakuza, të pavërtetuara ndoshta, të cilëve u janë kënduar këngë. Nuk janë të LVV-së ata, dhe u janë kënduar këngë. Po flas për këngë të paqes, dhe kur këndohen këngë të paqes, është goxha problematike kjo punë”, tha Paçarizi.
